“Yesu kristo tahinduka, oku abaire ari nyomwazyo n’eri izooba nikwo ari kandi nikwo ariguma ebiro byona.”(Abaheburayo 13:8)

EBARUHA ERIKWETORORA
okw`ikumi-n`ebiri 2011

Ab`eishe-emwe na beishe`emwe kazi abakundwa omuri Kristo,

Nimbaramutsya na rukundo mpango nk`oku omwaka 2011 guriyo ni gwiririra kuhendera kandi mbendeza emigisha ya Ruhanga aha bwomwaka oguriyo nigwija ogwa 2012. Kashabe ekigambo kya Ruhanga kigambe neitwe namaani:

“Nk`oku Ruhanga ari omwetsigwa, ekigambo eki tubagambira tikiri Eego, kandi Ngaha; ahakuba Omwana wa Ruhanga yesu Kristo, ou twabarangiire, nyowe na Siluvaano na Timoseo, akaba Atari eego kandi na ngaaha, kureka omuriwe obutoosha ni Eego. Ahakuba byona ebi Ruhanga yaaraganiise biba Eego omuriwe; kandi tugirira omuriwe tuti, Amiina, ngu Ruhanga ahimbisibwe omriitwe. Kwonka Ruhanga niwe atuhamya naimwe omuri Kristo, kandi akatuhukaho amajuta; niwe yatutaireho akamanyiso, akatuha omukwato gw`omwoyo Orikwera omu mitima yaitu.” (2 Abakorinso 1:18-22)

“Ahakuba Ruhanga, obu yaaraganisa Abrahamu, akeerahira, ahabw`okutagira w`okurahira orikumukira…”

“N`ahabw`ekyo Ruhanga ku yaayenzire kworekyera kimwe abahunguzi b`ebi yaaraganiise, ku enaama ye etahinduka, yagihamya n`okurahira…” (Abaheburaayo 6:13+17)

Ruhanga akahinduka obuhame bw`ebyo byona ebiyatebekanitse, ebyo byona ebiyraganise, ebiyagambire, kandi n`ebiyarangiriire kurabira omu ntumwa ze. Buzimazima, Ruhanga niwe buhame bwangye ngu ekigambo kye nigo mazima genyini omu kanwa kangye, nk`oku kyabaire kiri na Eliya, (1 Abagabe 17:24) kandi na Paulo (1 Abatesolonika 2:13) kandi na Petero okutwarira hamwe (1 Petero 1:25)- nk`oku kyarugire omu kanwa ke (Isaaya 55:10-11). Omu matebezo gari kureenga kanaana agu mburiire omu myaka makumi ataano ehingwire y`obuhereza bwangye, tinkagirga ngu “kikabaire kiri kiti nari kiri” kwonka ekigambo kya Ruhanga burijo kikaba kiri “Eego na Amiina!” kikaba kitakabaga “Eego-ngaaha.” Obuhame bw`ebi Ruhanga yaraganise byona buri omuri We-MUKAMA waitu, obukomooko bw`okurangirira kwaitu: Kristo, Omucunguzi waitu omukundwa. N`ahabw`ekyo nitukihamisiriza ogundi murundi: “Aha bwebyo byona ebi Ruhanga yaraganise omuriwe ni Eego…” okugira ngu okurabira omuri itwe Amiina-okuhikirira-ebaase kuhikirira. Amiina nikimanyitsa: kibe nk`oku wagamba.

Entebekanisa yoona y`okujuna eyombekirwe aha musingye gw`ebyaraganisibwe, okutandikira omu kitabo ky`okutandiika 3:15 ahu kikugira ngu embibo ya Ruhanga eryaija eyate enjoka omutwe. Omubucunguzi obwamazire kuhebwayo, okuraganisibwa oku kukareebeka: “… Ku araayehindure ekitambo ahabw`ekibi, Aryareeba oruzaaro rwe, ayongyere aha biro bye, Ebi MUKAMA arikwenda bihikirizibwe gye omu mukono gwe." (Isaaya 53:10) kandi “Abaijukuru baryamuheereza…” (Zaburi 22:30). Buri ki Ruhanga yaraganise kyona nikihikirira omu baikiriza abamazima abari embibo Ye, ahabw`ekitinisa kya Ruhanga.

Abrahamu akaikiriza buri ki MUKAMA Ruhanga yamuraganise oba oba kyabaire nikikwata ahansi ya Kanaani, nari emigisha ya mahanga (okutandika 12:2-3; okutandika 15:5), nari okuraganisibwa okw`omutaano okwa Isaaka: “MUKAMA yaagira ati: Buzimazima, obunaku ku burihika, ndyagarika; kandi reeba, Saara omukazi waawe aryazaara omwana w`omwojo.” (Okutandika 17:21; Okutandika 18:10).

Bwanyima ya buri kuraganisibwa kikaba kihandikwa omunyuguta mpango kiti: “ABRAHAMU YAIKIRIZA RUHAGA, YABARIRWA KUBA OKUHIKIIRIRA.” (Okutandika 15:6; Abarooma 4:3).

Paulo akakibumbabumbira omu Bagalatia 3:8 ati: “Ebyahandikirwe, ahabw`okumanya ira ngu Ruhanga aryaiha aha banyamahanga orubanja ahabw`okwikiriza, bikarangira Abrahamu enkuru nungi, ebyo bitakabaireho, biti: Omuriiwe amahanga goona nimwo gariheerwa omugisha.”

“Nikwo kugira ngu, abazarwe omu mubiri tibo baana ba Ruhanga, kureka abazairwe omu ndagaano nibo babarwa kuba abaijukuru.” (Abarooma 9:8)

Omu kikurisitaayo abantu ab`okurenga omu buhumbi bubiri nibaikiriza omu muringo gwabo. Kwonka ekibuuzo kiri: Nooha orikwikiriza Ruhaga? Nooha orikwikiriza eki Ruhanga yagamba? Eki Ruhanga yaraganisa? Nooha orikwikiriza buri kigaambo? Obwo bwonka obu MUKAMA agamba naitwe nk`omuntu aha ndiijo okurbira omu kurangirira kw`ekigambo, ekireeta okwikiriza kandi kikatushuuruurira ebyaraganitsibwe, nikimanyisa ngu twine nawe akakwate akahuriire turikukwatanisa nawe omu mwoyo Arikwera. Obwe nibwo turi kumwikiriza omu mazima ahabw`okuba okwikiriza kwaitu kuhamize omu kigambo Kye, n’omu biyaraganibwe.

Paulo akagumizamu omu 2 Abakorinso 1 kandi yatwariramu abaikiriza boona aha bamazima: “Kwonka Ruhanga niwe atuhamya naimwe omuri Kristo, kandi akatushukaho amajuta…” (omushororongo gwa 21). Okushukwaho amajuta nibwe buhame.N’habwekyo okuraganisibwa nikwo kubanza bwanyima okwikiriza, okurabira omuri itwe kutuhisya hakuhikirira. Omusingye ogwamazima kandi oguhamiire ahari Kristo, hamwe n`okushukwaho kw`omwoyo, oguri kwetengyesa ebintu byona, byona biri hamwe.

Hanu ebitukugambaho tibikukwata aha kushukwaho nk`okukukwatsire abantu bakwingana na miriyoni 550 omu bigombe by`amadiini byona okurabira omu kigombe kyaba Pentekoti hamwe naba karizimatiki kandi nibakitwara nka enkora ey`omwoyo ehikire. Ow`eishe-emwe Branham akagamba omu itebezo “abashukirweho amajuta ab`ebiro bya bwanyima” akagamba aha byanga bishatu eky`omubiri, eky`omwoyo hamwe n`ekyamagara kandi yahamya ngu abantu nibabasa kutunga Omwoyo Arikwera omukyanga kya kabiri batazairwe obwakabiri omu magara gaabo kandi batajunirwe. Omuri eki akajuriza Matayo 5:45 ahikikugira ngu Ruhanga najwisiza omushana abarungi na babi kandi ayohereza enjura ahabahikiriire nabatahikiriire. Omwoyo wa Ruhanga buzimazima akashukwa ahari boona abaine omubiri (Yoeli 2:28) kandi atwiire nagyenda omu bantu okurugira kimwe aha kiro kya Pentekoti, nk`oku Omwoyo yabaire agyendagyenda ahaiguru ya maizi obu yabaire nahanga ebihangirwe (Okutandika 1:2). Enshonga ecwiremu n`embibo, kandi embibo y`omwoyo n`ekigambo (Mako 14:20; Luka 8:11). Embibo-kigambo tebyirwe omukyanga ky`omwoyo kureka omu kya magara. Omukigambo harimu amagara agakumera. Buri mbibo neyezara. Embibo enungi n`abaana b`obukama bwa Ruhanga (Matayo 13:36-39), kandi bazairwe obwakabiri n`omwoyo wa Ruhanga nabaijura kandi bayegyesibwa omwoyo arikwera, kandi abebembera omu mazima goona (Yohaana 16:7-15).

Omukujuriza Matayo 24:23-26, ow`eishe-emwe Branham akakishoborora gye ngu n`omwoyo Arikwera arikukora hati, kandi nabwo na baanabi abebishuba na barikweyeta kristo nabo nibagira ngu baine omwoyo arikwera. Abashukirweho omu biro bya ahamuheru kweyoreka kabakugendera hari baiburi okuhika obu MUKAMA yahaire okurabura oku: “ahakuba haryaimuka abarikweyeta Kristo na baanabi b`ebishuba, baryakora obumanyiso bukuru n`ebyokutangaaza, babone kuhabisa n`entoore, kyaba nikibaasika.” (Matayo 24:24). Ekibuuzo ekihikire ni: Bazairwe Ruhanga? Bazairwe obwa kabiri (Yohaana 5:18-21)? nari bagwiire omu buhangwa bwaabo kandi n`omunyegyesa zaabo? Kandi nibakwatira omuhanda ogugwire nemigyenzo yabo kandi bavunuura kubi buri kigambo barikubanganisa? Omuringo ogwe, ebigambo ebi MUKAMA yahaire abahandiiki enyimaho biriyo nibiba ebyamazima n`oburi hati: “N`enki ekirikubazibira kushoborokyerwa eki ndikugamba? N`ahabwokuba timurikubaasa kworobera kigambo kyangye… Owa Ruhanga ahurira ebigambo bya Ruhanga; imwe eki mutabihuririra n`ahab`okuba timuri ba Ruhanga.” (Yohaana 8:43+47).

Ekanisa eya Yesu Kristo eya mazima, ei We wenyini yayecunguriire (1 Petero 3:18) kandi ei We wenyini Ari kweyombekyera (Matayo 16:18), negaruka aha kutandika, aha kigambo ekitwiire nikirangiriirwa okurugira kimwe aha kiro kya Pentekoti (Ebyakozirwe 2) aha nyegyesa eyarugire kimwe Yerusaalemu okuruga aha rushozi Sayuuni (Isaaya 2:3; Ebyakozirwe 2) kishemereire kuba nikihamibwa busya buri kaire: omu kanisa y`omujigaijo (Abaheburaayo 12:23), omu itebezo ery`okubanza hamwe n`erya aha muheru, okubatiza okwa maizi okw`okubanza hamwe n`okwa aha muheru okw`omwoyo, ebicoonco byona eby`omwoyo, ebyana byo eby`omwoyo, kandi obuhereeza bwona nibwiija kuba buzimazima buri bumwe. Ebintu byona nibyaija kugarurwa butsya, nk`oku byabaire biri aha kutandika. Buri nyegyesa hamwe na buri kikorwa ekihandikirwe omuri Baiburi kyona nikwo kiriguma kiri ekyokureeberaho omukanisa y`endagaano ensya (Ebyakozirwe 2:42), ahakuba ekigambo kya Ruhanga kigumaho ebiro byona (Isaaya 40:8; 1 Petero 1:25).

Aha muheru gw`ekyahandikirwe kyaitu ekyayanjurwa, Paulo ogundi murindi akata okuhamya ahariiwe, MUKAMA waitu: “… niwe yatutaireho akamanyiso, akatuha omukwato gw`omwoyo Orikwera omu mitiia yaitu”. Nahabw`ekyo ogwe weena owatebweho akamanyiso tashukirweho mwoyo omukyanga (realm) kye kyakabiri kwihaho atungire Omwoyo omu magara ge (soul), n`omu mutima gwe. Akamanyiso nikatebwaho konka twaheza kutunga ekigambo ekyamazima ahabw`okwikiriza.

“Kandi naimwe, ku mwaherize kuhurira ekigambo ky`amazima, niyo ngiri y`okujunwa kwanyu, mukaikiriza Yesu, mwahamibwa omuri We nakamanyisonk`omwoyo orikwera owaraganisibwe”. (Abaefeso 1:13). Nikikora ahabw`obutahwaho bwona kandi tikikahindurwa.

“Kureka omwoyo ow’amazima ku ariija,aryabeebembera omu mazima goona…”(Yohaana 16:13).Tikuri kushukwaho kwoka kureka okwebemberwa omumazima goona n’o mwoyo orikwera.

“Kandi nitumanya ngu omwana wa Ruhanga akaija, yatuha okwetegyereza, ngu tumanye ow`amazima; naitwe turi omuri ogwo ow`amazima, niwe Yesu Kristo omwana We. Ogwe niwe Ruhanga ow`aazima n`amagara agatahwaho” (1 Yohaana 5:20).

Kandi ahabw`eki kyonka nibwo turi kwetegyereza ekyagambirwe omuri Yohaana 3:34: “Ou Ruhanga yatumire agamba ebigambo bya Ruhanga: ahakuba Ruhanga ku aza kuha Omwoyo, tamurenga”

Ogwo weena otumirwe Ruhanga tarikuburira bivunirwe kubi okwihaho ekigambo kya Ruhanga ekiri kwera kandi eki takuhinduka, omu muringo ogu kyaburirwemu omukutandika, kandi abo boona aba Ruhanga nibakihurira kandi baikiriza eki ebyahandikirwe birikugamba kandi hamwe n`ku biri kugamba. Nibateeka omutima munonga ahakwehanangiriza okw`ahamuheru kandi tihariho na kimwe eki bari kongyeraho kandi tihariho ekiribakucwaho ekyagabirwe Ruhaga. (Okushuuruurirwa 22:18-21).

Abrahamu akaikiriza kandi yayorobera Ruhanga kandi yaheebwa akamanyiso k`okusharwa (Okutandika 17:10-13) nka akamanyiso k`endagaano, reero kaaba ak`okureberaho k`okuhikirira ahabw`okwikiriza kwe (Abarooma 4:11). Omu bwiire obwo kukaba kuri okusharwa okw`omubiri; mbwenu hati n`okusharwa kw`omutima: “… kandi okushrwa kw`omutima okw`omu mwoyo, kutari kw`omubihandiiko, nikwo kusharwa…” (Abarooma 2:29)

Omu 1 Abakorinso 9:1-3, Paulo akatonganirira okutumwa kwe nk`omuntu owarebereho MUKAMA waitu Yesu, kandi akeeta abaikiriza boona ati: “… timuri omurimo gwangye omuri MUKAMA?” Akaba yabaaburiire ekigambo kya Ruhanga nk`oku okutumwa kwe kwabaire kuri kandi akagumizamu yahaandiika ati: “n`obu ndaabe ntari ntumwa aha bandi kwonka ahariimwe ndi entumwa: ahabw`okuba imwe muri akamanyiso omuri MUKAMA k`okumanya ku ndi entumwa buzima. Eki nikyo ndikwetonganira ahari abo abarikumpakanisa…” Eki nakyo nikigarukamu abo boona abarikuza omurukiiko rw`okunsharira orubanja.

Akamanyiso nikateebwa aha kihandiiko (document), ekikuhamya (certificate). Ekaba etari kanisa eri kuyoora buyoora okwihaho ekaba eri ekanisa eya Yesu Kristo eyabeireho okurabira omu buhereeza bwe nk`entumwa obu yakwatsibwe Ruhanga kandi akaikirizibwa n`okutunga akamanyiso.

Omuri 2 Timoseo 2:19 entumwa akagamba aha kamanyiso aku ekanisa eyombekirweho: “kwonka omusiingi gwa Ruhanga oguhamire guriho, gwine akamanyiso aka ngu MUKAMA namanya abe. Kandi, ngu omuntu weena orikugamba ei ziina rya MUKAMA arugye omu bubi”.

Abatoreinwe bonka nibo batibweho akamanyiso kandi bariho akamanyiso ka Ruhanga. Nibakiira obuhereza obu Ruhanga ateireho; nibagyenda omu rugyendo rwaabo bakorobera okwikiriza Ruhanga okuhitsya aha muheru.

Oku nikwo MUKAMA Arikugira: “komera kimwe ebirikuhamya, ohamye n`akamanyiso ebiragiro omu beegi bangye.” (Isaaya 8:16).

Ekitabo eky`enaama omukushuuruurirwa 5:1 kikakomwa n`obumanyiso mushanju: “kandi omu mukono gwa buryo gw`ogwo ashutami aha kitebe ky`obukama nareebamu omuziingo gw`ekitabo ekihandikirwe omunda n`enyima, kandi kikomirwe n`obumanyiso mushanju.” Obumanyiso bukabamburwa, kandi ebirimu bikamanywa ahabw`okushuuruurirwa. N`obu kiraabe kirikityo, abo bonka abatebweho akamanyiso nibo bari kwetegyereza ebintu byona omu mazima gaabyo okurabira omukushuuruurirwa kw`omwoyo. Nibo beegi ab`amazima. Ekyo n`ekintu ky`okujwijukwa munoonga omu bwiire bwaitu. Kandi omu bikwatireine neki, okwetwa, okwetanisa, okweteekateeka, kandi hamwe n`okugaruka obusya nibibaho. Aka niko kaire ak`okutebwaho akamanyiso ko n`omwoyo owaraganisiibwe obw`ebutumwa obw`ekinabi obwa aha muheru buriyo nibugyenda omu maisho.

Obutumwa obu buriyo nibugyenda omu maisho, kandi abo boona abaine amatu nibza kuhurira eki omwoyo arikugambira amakanisa. Nibo basinguzi abakuza kuhungura ebintu byona kandi nabwo bakashitama n`omucunguzi aha kitebe kye kandi bategyeke nawe omu butegyeki bwe bw`emyaka rukumi (millennium) (Okushuuruurirwa 3:21) kandi ekyaraganisibwe eki ni Eego kandi Amiina.

Okubanza ekigambo ekyaraganisibwe nikihandikirwa abaana ab’endagaano, reero Omwoyo owaraganisibwe nawe ahikirize ekiyatumirwe, reero aha muheru hakurataho okutebwaho akamanyiso.

Omundaagano enkuru, Ruhanga akahikiriza ebiyaraganiise na Abrahamu, Isaaka, Yakobo kandi hamwe na Israeli. Omu kitabo ky`ebiragiro 9:5 nitushoma ngu: “Torikuza omnsi yaabo kugikubuura ahabw`okuhikirira kwawe nari okugororoka kw`omutima gwawe, kureka ahabw`obubi bw`ago mahanga, nikyo MUKAMA Ruhanga waawe arikubangira omu maisho gaawe, kandi ngu abone kuhamya ekigambo eki yarahiire naaragansa baashwenkuru, Abrahamu, Isaaka na Yakobo.”

Omuri Yoshua 23:14, Yoshua akehanangiriza abantu obu yagyenda: “… kandi mwena nimumanya gye omu mitima yaanyu n`omu magara gaanyu, ku hatariho kintu na kimwe ekibuzire aha birungi byona ebi MUKAMA Ruhanga waanyu yaabaraganise; byona bikabahikaho; tihariho kintu na kimwe ekitarabeireho”

Aha kiro ky`okumurikira Ruhanga Hekaru, Sulemaani akashaba ati omu shaara ye: “MUKAMA Ruhanga wa Israeli asiimwe, owahikiriize n`omukono gwe ekiyaraganiise tata Daudi n`akanwa ke… mbwenu MUKAMA yahikiriza ekiyaraganiise; ahabw`okuba naaza omu mwanya gwa tata Daudi, naagaruka aha kitebe ky`obugabe bwa Israeli, nk`oku MUKAMA yaraganiise; kandi nyombekire egi nju ahabw`eiziina rya MUKAMA Ruhanga wa Israeli” (1 Abagabe 8:15+20).

Okuraganisa okwabaire nikukirayo okw`omundagaano enkuru, n`obu kirabe kyabaire kiri kityo, kukaba kuri okuraanga ngu omucunguzi aryaija. Eky`okureberaho kihandikirwe omuri Isaaya 7:14 ngu: “Nikyo MUKAMA Weenka aribaheera akamanyiso, reeba, omwishiki oshugaine aryagira enda, azaare omwaana w`omwojo amweete Emmanueli.” Obwiire ku bwahikire kandi Mariya akakiira okurangirira okwe ngu niwe kikozeso ekyatoreinwe kuhikiriza eki, Mariya akagira ati, “Reeba ndi omuzaana wa MUKAMA; kimbeho nk`oku waagamba.” (Luka 1:38).

Elizaabeesi, nyina wa Yohaana akakihamya, agambisibwe Omwoyo wa Ruhanga: “Kandi ohairweomugisha; iwe owaikiriize ku ebiwaagambiirwe MUKAMA biri hikirizibwa.(Luka 1:45).

Omu kutandiika Zakaria akaba ateikirize ku we n`omukazi we Elizaabeesi babeire bashemereire kuba abazaire b`omutebekanisa w`omuhanda obu maraika yamuretera obutumwa . Okwihaho nawe aha muheru aketegyereza ngu ekigambo kya Ruhanga kiriyo nikihikirira kandi, aijwiire Omwoyo orikwera, akagamba ebigambo ebi arikuragura: “Nk`oku yagambire naaraba omuri baanabi be abarikwera, abaabaire bariho ira n`ira…” (Luka 1:67-80).

Ahakutandika kw`ekanisa y`omundagaano entsya obu Omwoyo orikwera yashuuma, Petero akashobororera ekyabaho ako kaire ababaire bamuhurikiriize: “Kureka eki nikyo kyaragwirwe nabi Yoeli ati; Ruhanga akagira ati: omu biro by`ahamuheru ndyashuka omwoyo wangye aha bantu boona; abatsigazi baanyu na bahara banyu baryaragura; abatsigazi baanyu baryayorekwa, n`abagurutsi baanyu baryaroota ebirooto…” (Ebyakozirwe 2:16-17)

Omu mazima, “ebi Ruhanga yaraganise biguma biri eby`ebiro byona kandi bitakabaasa kutengyesibwa: Yesu akakoma ebiyaraganise n`akamanyiso k`eshagama Ye omu kigambo kye” (ekyeshongoro ekya yeshongwirwe Levi Pethrus, Stockholm). Byona ebi Ruhanga yaraganiise ni Eego kandi Amiina, kandi naitwe nitubaasa kuba bamwe aha bi Ruhanga aturaganise. Okuraganisibwa okw`amaani ni okugaruka kwa Yesu Kristo, nk`oku kyatugambiirwe omuri Yohaana 14:1-3. Ahanyima y`obucunguzi obwahweire, Yesu Kristo akatemba omu iguru, ei yatutekatekyeire omwanya, kandi aryagaruka omu muringo nigwo gumwe nk`oku yatembire (Ebyakozirwe 1:9-11).

Okugaruka kwa Kristo kandi na buri kimwe kyona ekyeine akakwate nakwe, nahabwekyo, naitwe niyo nshonga yaitu nkuru. Arikwebemberwa Omwoyo, Paulo akagamba ebigambo ebi kandi omu bwiire obu naitwe bigambo ebi nibitukwataho: “Ruhanga Mukama w’obuingye we Wenka Abeereza kimwe; kandi ni shaba Ruhaga emyoyo yaanyu n`amagara gaanyu n`emibiri yaanyu birindwe gye,bishangwe bitaine ki birikuhanwa aha kiro ky`okwija kwa MUKAMA waitu Yesu Kristo. Ogwo ori kubeeta n`omwesigwa; kandi n`okukora niwe arikukora. (1 Abatesalonika 5:23-24) Amiina.

N`obu kirabe kiri kityo, oku kwahanangiriza okwa maani nikuza ahari abo abaikiriza abamazima, abo abatairweho akamanyiso kandi abategyereize ngu emibiri yaabo ngu ehindurwe: kandi mutarigwisa kubi Omwoyo orikwera wa Ruhanga owaabateereirweho kuba akamanyiso okuhitsya aha kiro ky`okucungurirwaho. Obusharizi bwona n`ekiniga n`okugubwa kubi n`oruyombo n`okujumiirana, hamwe n`eihari ryona biihwe omuriimwe. Mukorerane gye, mugirirane, nk`oku Ruhanga ya basaasiire omuri Kristo (Abaefeso 4:30-32).

Reka MUKAMA omwesigwa kandi omujuni atuhe itwe tweena okugira ngu tubaase kureeba okumariira, omu kukewatanisa hamwe n`okwikirizana okuhikire na Ruhanga hamwe n`ekigambo kye obwe otwariiremu n`abantu hamwe n`abagyenzi baabo kandi boona hamwe omuri rukundo ya Ruhanga ehikire, obwe reero tubone kuza ahakutwarwa.

“Mbwenu nimbatsigira Ruhanga orikubaasa kubagumya, nk`engiri yangye n`okubuurira ebya Kristo oku biri, ebirikwikirizana n`enaama egyo ekaba esherekirwe okuruga ira n`ira; kwonka hati eshurwirwe, kandi yamanyisibwa aha mahnga goona omu byahandikiirwe banaabi, nka Ruhanga Otahwaho oku yaaragiire, ngu amahanga ago gabone kumwikiriza n`okumworobera. Ruhanga ow`obwengye omwe wenka aheebwe ekitinisa ebiro byona ahabwa Yesu Kristo. Amiina.” (Abarooma 16:25-27)